آزادحکومت کا 48 کروڑ کا امدادی چیک ترکیے کے سپرد

اسلام آباد(پی آئی ڈی)وزیر اعظم آزاد حکومت ریاست جموں کشمیر سردار تنویر الیاس خان نے ترکیہ کے زلزلہ متاثرین کیلئے 48 کروڑ کا امدادی چیک ترکیہ کے سفیر ڈاکٹر مہمت پاچاچی کے سپرد کردیا۔وزیراعظم آزادکشمیر سردار تنویر الیاس خان نے وزراء کرام دیوان علی خان چغتائی، عبدالماجد خان،اکمل حسین سرگالہ,چیف سیکرٹری محمدعثمان چاچڑ، معاون خصوصی راجہ سبیل ریاض، میڈیا ایڈوائزرسردار زاہد تبسم کے ہمراہ جمعہ کے روز اسلام آباد میں ترکیہ سفارتخانے کا دورہ کیا۔وزیراعظم سردار تنویر الیاس خان نے حکومت آزادکشمیر کی جانب سے 47 کروڑ روپے جبکہ 1 کروڑ روپے اپنی جانب سے زلزلہ متاثرین کیلئے عطیہ کیے۔ترک سفارتخانے میں ترکش سفیر نے وزیراعظم آزادکشمیر کا خصوصی شکریہ ادا کیا۔ اس موقع پر وزیراعظم سردار تنویر الیاس خان نے شہدائے زلزلہ کیلئے دعا کروائی۔ ترکش سفیر سے گفتگو کرتے ہوئے وزیراعظم سردار تنویر الیاس خان نے کہا کہ کشمیری عوام اور ترکیہ یک جان دو قالب ہیں،مشکل کی گھڑی میں کشمیری عوام اپنے ترک بہن بھائیوں کے ساتھ کھڑے رہیں گے،2005 کے زلزلے میں ترکیہ نے فراخدلی سے کشمیری عوام کی مدد کی تھی۔ انہوں نے کہا کہ حالات بہت مشکل ہیں لیکن ترک قوم کا عزم مضبوط ہے،ترکیہ رجب طیب اردوان کی قیادت میں زلزلے کے بعد جلد مشکلات پر قابو پالے گا، وزیراعظم آزاد کشمیر نے کہا کہ زلزلہ کی وجہ سے بھاری جانی و مالی نقصان پر کشمیری عوام کی جانب سے اظہار یکجہتی کرتے ہیں۔آزادکشمیر کی حکومت اور عوام کے ساتھ شانہ بشانہ کھڑی ہے۔کشمیری قوم نے 2005 میں قیامت خیز زلزلے کے ہولناک تباہ کاریاں دیکھی ہیں، اس زلزلے میں ترکیہ نے پاکستان اور کشمیریوں کا اولین دوست اور ہمدرد ہونے کا ثبوت دیتے ہوئے بحالی نو میں ہر طرح کی مدد اور رہنمائی کی تھی جس کو ہم ہمیشہ قدر کی نگاہ سے دیکھتے اور یاد کرتے ہیں۔انہوں نے کہا کہ دارلحکومت مظفرآباد میں تعمیر سرخ رنگ کی عمارتیں پاک اور ترکیہ کی ان مٹ دوستی کی عکاس ہیں، وزیر اعظم سردار تنویر الیاس خان نے کہا کہ ہماری دعا ہے کہ دونوں ممالک اور اقوام کے درمیان محبت اور بھائی چارے کا یہ تعلق ہمیشہ قائم و دائم رہے اور رب العزت ترکیہ کی عوام کو زلزلے کے بعد کے مشکلات حالات سے سنبھلنے کا ہمت و حوصلہ دیں۔وزیر اعظم آزادکشمیر نے کہا کہ ہم کشمیری عوام کے منتخب نمائندوں کی حیثیت میں آپ کے پاس حاضر ہوئے ہیں، اس ہولناک تباہی کے نتیجے میں ہونے والے جانی و مالی نقصان پر ہم اپنے بھائیوں کے ساتھ غم میں برابر کے شریک ہیں۔ ہماری حکومت نے ترکیہ عوام کی مدد کیلئے فنڈ بھی قائم کر رکھا ہے جبکہ ہمارے رضاکار اور فلاحی تنظیمیں بھی ترکیہ اور شام کی عوام کی مدد کیلئے پیش پیش ہیں۔و