10

بلدیاتی انتخابات،مخصوص نشستوں پر انتحابات ری شیڈول،پولنگ 4 فروری کو ہوگی

مظفرآباد (پرل نیوز)لوکل کونسلز میں خواتین، نوجوان اور کسان /ورکر کے لیے مختص نشستوں کے خلا حکومت اور اپوزیشن کی جانب سے کاغذات نامزدگی داخل کروانے کے لیے تاریخ میں توسیع کی درخواست کی گئی۔ معاملہ کمیشن کے اجلاس میں پیش کیا گیا۔ کمیشن نے اتفاق رائے سے آزادجموں وکشمیر الیکشن کمیشن نے بلدیاتی انتخابات 2022کے بعد مخصوص نشستوں کیلئے جاری شیڈول میں ترمیم کردی۔ آزادجموں وکشمیر الیکشن کمیشن سے جاری ترمیمی شیڈول کے مطابق بلدیاتی انتخابات کی مخصوص نشستوں پر 4 فروری دن 10 بجے تا سہ پہر02 بجے تک پولنگ ہو گی۔بلدیاتی انتخابات کی مختلف کونسلز میں خواتین، یوتھ اور کسانوں کی سیٹوں کے لیے کاغذات نامزدگی 18سے 23 جنوری2023دن 3بجے تک جمع کروائے جا سکتے ہیں۔ 24 جنوری2023کو ان کاغذات کی جانچ پڑتال اور سکروٹنی کی جائے گی۔25سے 26جنوری 2023 کو کاغذات نامزدگی کی مستردگی کے خلاف ٹریبونل کے سامنے اپیلیں دائر کی جا سکیں گی۔27اور 28جنوری 2023کو ان اپیلوں پر فیصلے دیئے جائیں گے۔30 جنوری 2023دن 2بجے تک امیدواران کی جانب سے کاغذات نامزگی واپس لیے جا سکیں گے اور 30 جنوری کو ہی دن 2بجے کے بعد امیدواروں کی حتمی فہرست جاری کی جائے گی۔آزاد جموں و کشمیر الیکشن کمیشن سے جاری نوٹیفیکیشن کے مطابق مخصوص نشستوں پر 4 فروری دن 10 بجے تا سہ پہر02 بجے تک پولنگ ہو گی۔

اس خبر پر اپنی رائے کا اظہار کریں

اپنا تبصرہ بھیجیں