ڈیلی پرل ویو، مظفرآباد — آزاد جموں و کشمیر میں آج جمعہ، 16 مئی کو “آپریشن بنیان المرصوص” کی تاریخی کامیابی پر “یومِ تشکر” منایا جائے گا۔ اس حوالے سے ریاست بھر میں نماز جمعہ کے بعد ریلیاں، پرچم کشائی، شہداء کو خراجِ عقیدت اور خصوصی دعائیہ تقریبات منعقد ہوں گی۔
یومِ تشکر کے انتظامات کو حتمی شکل دیدی گئی
یوم تشکر کے انتظامات کے سلسلے میں چیف سیکرٹری خوشحال خان کی زیر صدارت ایک اہم اجلاس منعقد ہوا جس میں آئی جی پولیس رانا عبدالجبار، سیکرٹری اطلاعات سردار عدنان خورشید، سیکرٹری سروسز ظفر محمود خان، سیکرٹری تعلیم قاضی علی، سیکرٹری لبریشن سیل رفاقت مغل، سپیشل سیکرٹری داخلہ طاہر ممتاز خان سمیت دیگر اعلیٰ حکام نے شرکت کی۔
ریاست بھر میں قومی پرچم لہرایا جائے گا
اجلاس میں فیصلہ کیا گیا کہ یوم تشکر کے موقع پر:
ریاست کے تمام ضلعی صدر مقامات پر پرچم کشائی کی تقاریب منعقد ہوں گی
سرکاری عمارات پر قومی پرچم لہرایا جائے گا
مظفرآباد میں مرکزی تقریب وزیراعظم سیکرٹریٹ میں منعقد ہو گی
یادگار شہداء چھتر چوک پر پھولوں کی چادر چڑھائی جائے گی
خصوصی دعائیں، توپوں کی سلامی اور شمع بردار تقریب کا اہتمام
محکمہ سروسز اینڈ جنرل ایڈمنسٹریشن کی جانب سے جاری کردہ سرکلر کے مطابق:
دن کا آغاز 21 توپوں کی سلامی سے کیا جائے گا
نماز فجر اور نماز جمعہ کے بعد ریاست بھر کی مساجد میں
قومی سلامتی
آزاد کشمیر کی ترقی
مقبوضہ کشمیر کی آزادی
اور شہداء کی بلندی درجات کے لیے خصوصی دعائیں کی جائیں گی
ریلیوں اور سماجی شرکت کا شیڈول
نیو سول سیکرٹریٹ چھتر سے یادگار شہداء تک ریلی نکالی جائے گی، جس میں
سیاسی و سماجی رہنما
سول سوسائٹی کے افراد
سرکاری ملازمین شرکت کریں گے
شام 7:30 بجے نلوچھی پل پر شمع بردار تقریب (کینڈل لائٹ ویجل) منعقد ہو گی
ریاستی یکجہتی اور افواج پاکستان سے اظہار وفاداری
اجلاس میں اس عزم کا اظہار کیا گیا کہ یوم تشکر صرف عسکری کامیابی کا دن نہیں بلکہ قومی اتحاد، افواجِ پاکستان سے وفاداری اور شہداء کی قربانیوں کو خراج تحسین پیش کرنے کا دن ہے۔ ریاستی سطح پر ہر طبقے کی شرکت سے یہ دن یادگار بنایا جائے گا۔
