اپوزیشن لیڈر عمر ایوب سمیت تحریک انصاف کے رہنماﺅں نے کہا ہے کہ چیف جسٹس سے ملاقات سے پہلے 3 بار بانی پی ٹی آئی سے اجازت لی۔
نجی ٹی وی دنیا نیوز کے مطابق اپوزیشن لیڈر عمر ایوب نے دیگر پی ٹی آئی رہنماوں کے ہمراہ نیوز کانفرنس سے خطاب کرتے ہوئے کہا کہ چیف جسٹس کو بتایا بانی اور بشریٰ بی بی کے مقدمات کی تاریخیں نہیں بتائی جاتیں، جیل مینوئل اور قوانین کی دھجیاں اڑائی جارہی ہیں، ہمارے ورکرز کو جعلی ایف آئی آرز میں اندر رکھا ہوا ہے، سلمان اکرم راجہ نے لاپتہ افراد کا معاملہ چیف جسٹس کے سامنے رکھا۔
چیئرمین پی ٹی آئی بیرسٹر گوہر نے کہا کہ چیف جسٹس نے 10 نکاتی ایجنڈے پر تجاویز مانگی تھیں، چیف جسٹس کو ہم نے کہا کہ آپ کے حکم پر کوئی عملدرآمد نہیں ہوتا، تمام مسائل سے آگاہ کیا، ورکرز،بانی اور بشریٰ بی بی سے امتیازی سلوک ہو رہا ہے۔
0
