ڈیلی پرل ویو : ڈپٹی کمشنر یاسر ریاض نے موجودہ ملکی و علاقائی صورتحال کے تناظر میں ضلع بھر کے ایمرجنسی سروسز سے وابستہ جملہ اداروں کو ممکنہ بھارتی جارحیت کے خدشات کے پیش نظر 24 گھنٹے ہائی الرٹ رہنے کی ہدایت جاری کی ہے۔ انہوں نے خبردار کیا کہ پہلگام فالس فلیگ آپریشن کی آڑ میں بھارت کسی بھی قسم کی جارحیت یا خلاف ورزی کی کوشش کر سکتا ہے، جس سے نمٹنے کے لیے ایک مربوط اور فوری ردعمل کی ضرورت ہے۔
تمام حساس تنصیبات پر فول پروف سیکیورٹی کا حکم
اجلاس کے دوران سرکاری عمارات، انٹری پوائنٹس، اور حساس تنصیبات کی حفاظت کے لیے فول پروف سیکیورٹی انتظامات یقینی بنانے پر زور دیا گیا۔
ڈپٹی کمشنر نے کہا کہ:
“تمام ادارے ہنگامی صورتحال میں فوری رسپانس کی صلاحیت برقرار رکھیں، اور پلان A اور پلان B کے تحت ضروری سہولیات کی فراہمی کو یقینی بنایا جائے۔”
شرکت کرنے والے اداروں اور افسران
اجلاس میں متعدد اہم ضلعی افسران نے شرکت کی جن میں شامل تھے:
ایس ایس پی خاور علی شوکت
ایڈیشنل ڈپٹی کمشنر جنرل راجہ عمر طارق
ڈی ایچ او ڈاکٹر فدا حسین راجہ
ایم ایس ڈاکٹر عامر عزیز
چیف آفیسر بلدیہ شیراز احمد خان
ایکسین پبلک ہیلتھ انجینئرنگ یاسین طاہر
AD ریسکیو 1122 سردار نجم الشہاب
AD شہری دفاع محمد اشتیاق
انفارمیشن آفیسر محمد جاوید ملک
SDO برقیات ہارون چغتائی
SDO ہائی وے تنویر حسین
پلاننگ اور کنٹرول روم کی ہدایات
اجلاس میں یہ فیصلہ بھی کیا گیا کہ:
کنٹرول روم کی طرف سے جاری ہونے والی ہدایات پر فوری عملدرآمد کیا جائے۔
ہر ادارہ اپنی ذمہ داریوں کے مطابق موقع پر بروقت رسپانس دے۔
عوام کو ہدایت دی گئی کہ وہ اپنے اردگرد مشکوک سرگرمیوں پر نظر رکھیں اور فوری قریبی پولیس اسٹیشن کو اطلاع دیں۔
