ڈیلی پرل ویو.آزادکشمیرکے وزیرخزانہ وانلینڈ ریونیوچوہدری قاسم مجید نے کہاہے کہ وزیراعظم آزادکشمیرراجہ فیصل ممتاز راٹھور کی سرپرستی میں پیپلزپارٹی کی حکومت آزادکشمیرکی تعمیروترقی، عوامی فلاح وبہبوداورریاست کے ذرائع آمدن بڑھانے کے لیے تمام ترتوانائیاں استعمال کرے گی۔ اس حوالے سے محکمہ انلینڈریونیوآزادکشمیرکے ذرائع آمدن بڑھانے کاسب سے بڑامحکمہ ہے۔ اس ادارے کواسٹیٹ آف آرٹ ادارہ بنائیں گے اور اس پر عوامی اعتمادمکمل بحال کریں گے۔ ادارہ کے افسران وملازمین کی پرموشن کے معاملات قانون وقاعدے کے مطابق کریں گے۔ ادارہ کے جملہ افسران وملازمین بلاخوف وخطر کام کریں ان کی عزت نفس کوکسی صورت مجروع نہیں ہونے دونگا۔ محکمہ انلینڈ ریونیوکواس مالی سال میں 85 ارب روپے کاٹارگیٹ دیاگیا ہے جس میں سے ساؤتھ زون میرپورڈویژن کو70 ارب روپے کاٹارگٹ ملاہے۔محکمہ انلینڈ ریونیوکسی فیکٹری،بزنس سنٹر، مالیاتی اداروں کوبلاوجہ تنگ نہیں کرے گا۔ قانون وآئین کی حکمرانی قائم رکھتے ہوئے باہمی افہام وتفہیم کے ساتھ بزنس کمیونٹی سے ٹیکس وصولی کے لیے دوستانہ ماحول فراہم کریں گے۔ ٹیکس وصولی کے بغیرنہ تو ریاست ترقی کرسکتی ہے اور نہ ہی عوام کی فلاح وبہبود ہوسکتی ہے۔
ان خیالات کااظہار انھوں نے محکمہ انلینڈ ریونیوساؤتھ زون کے افسران کے ساتھ منعقدہ اجلاس کی صدارت کرتے ہوئے کیا۔ کمشنرانلینڈ ریونیوسید انصرعلی نے انھیں محکمانہ بریفنگ دی اور درپیش مسائل سے آگاہ کیا۔ اس موقع پرکمشنر انلینڈ اپیلنٹ باصل صدیق، ڈپٹی کمشنرز و اسسٹنٹ کمشنرز،ریونیو افسرزانلینڈ ریونیو ساؤتھ زون کے افسران موجود تھے۔
آزادکشمیرکے وزیرخزانہ وانلینڈ ریونیوچوہدری قاسم مجید نے کہاکہ محکمہ انلینڈ ریونیو آزاد کشمیر کا سب سے بڑا ریونیو جمع کرنے والا ادارہ ہے جس کو ٹیکس کی مد میں 85 ارب روپے کاٹارگٹ حاصل کرناہے اس حوالے سے قانون کے مطابق ٹیکس وصولیوں کی طرف حکمت عملی سے کام لیاجائے۔ محکمہ کی طرف سے مختلف بزنس سنٹرمیں Pos سسٹم کی کامیابی ٹارگٹ کو حاصل کرنے کی طرف اہم قدم ہے۔ محکمہ کی طرف سے ٹیکس وصولی کے لیے مثبت اقدامات کوسراہتے ہوئے کہاکہ آزادکشمیرایک پرامن ریاست ہے جہاں کاروباری حضرات سرمایہ کاری کرسکتے ہیں یہاں جیسا پرامن اور محفوظ ماحول خطہ میں کہیں بھی موجود نہیں اس حوالے سے وزیراعظم آزاد کشمیر کی ہدایات کے مطابق میرپور،بھمبراورکوٹلی میں بند صنعتی یونٹس کی بحالی کے لیے بھی اقدامات کیے جائیں گے تاکہ یہاں صنعتی ترقی ہوجس سے ریاست کی معیشت پربھی مثبت اثرات مرتب ہونگے۔ انھوں نے محکمانہ ہدایات دیتے ہوئے مزیدکہاکہ پیپلزپارٹی کی حکومت ہمیشہ ریاست کی تعمیروترقی، عوام کی فلاح وبہبود اور خوشحالی کے لیے ہر ممکن اقدامات اٹھاتی ہے ہمارا نصب العین ہی عوامی خدمت ہے۔پیپلز پارٹی کے چیئرمین بلاول بھٹو زرداری اور وزیر اعظم آزاد کشمیر راجہ فیصل ممتاز راٹھور نے مجھے وزرات خزانہ اور انلینڈ ریونیو کی وزارتیں دے کر جس اعتماد کا اظہار کیا ہے اس پر پورا اترنے کی بھرپور کوشش کروں گا اس حوالے سے محکمہ انلینڈ ریونیو کے افسران و ملازمین محنت دیانت اور اپنی صلاحیتوں کو بروئے کار لاتے ہوئے محکمہ کے اہداف کو پورا کرنے کے لیے تجاویز دیں۔انہوں نے محکمہ انلینڈ ریونیو کے میں pos سسٹم کے ساتھ ساتھ آن لائن ٹوکن،گاڑیوں کی رجسٹریشن،سمارٹ کارڈ سمیت پورانظام آئی ٹی سے منسلک کرنے کی ہدایات دیں تاکہ لوگوں کے لیے آسانیاں پیداہوسکیں۔ بزنس کمیونٹی کوفائلربنانے کے حوالے سے بھی اقدامات اٹھائے جائیں،فائلرہونے کے فوائد سے لوگوں کوآگاہ کیاجائے۔ انھوں نے مزیدکہاکہ انلینڈ ریونیوسروس اکیڈمی،افسران وملازمین کے ٹریننگ پروگرام،مختلف مقامات پرمحکمہ کے سمارٹ آفسزبنائیں گے۔ ٹول پوسٹ پرڈیوٹی دینے کے لیے سکیورٹی کامعقول انتظام کیاجاناچاہیے۔وزیر حکومت نے مذید کہا کہ افسران و ملازمین دفتری ڈیسپلن کی پابندی کریں.
0
