کلائمیٹ رسک انڈیکس 2025 کی رپورٹ جاری کر دی گئی، رپورٹ میں 1993 سے 2022 تک ماحولیاتی تبدیلیوں کے واقعات سے متعلق اعداد و شمار شامل ہیں۔
نجی ٹی وی دنیا نیوز نے موسمیاتی رپورٹ کے حوالے سے بتایا کہ 1993 سے 2022 تک دنیا بھر میں 7 لاکھ 65 ہزار سے زائد افراد مختلف آفات کے باعث جاں بحق ہوئے، 1993 سے 2022 تک دنیا بھر میں 4.2 ٹریلین امریکی ڈالر سے زائد کا نقصان ہوا۔
1993 سے 2022 تک 9 ہزار 300 سے زائد موسمیاتی آفات رونما ہوئیں، 1993 سے 2022 تک سیلاب، خشک سالی، ہیٹ ویوز اور طوفان کے باعث جانی اور مالی نقصان ہوا۔
رپورٹ کے مطابق پاکستان کو موسمیاتی تبدیلیوں کے باعث شدید خطرات لاحق ہیں، 2022 میں موسمیاتی آفات کے باعث سب سے زیادہ نقصان پاکستان میں ہوا۔
0
