ایڈیشنل سیشن جج کی تعیناتی کیلئے ہونے والے سکریننگ ٹیسٹ میں وکلاء کے انگریزی میں فیل ہونے کا معاملہ سامنے آیا ہے، جس پر خیبرپختونخوا بار کونسل نے پشاور ہائیکورٹ کو خط لکھ دیا۔
نجی ٹی وی چینل آج نیوز کے مطابق بار کونسل نے خط میں مطالبہ کیا کہ فیل ہونے والے وکلاء کیلئے انگریزی کے معیار میں نرمی کی جائے تاکہ اچھے امیدوار سامنے آ سکیں۔
سکریننگ ٹیسٹ میں 598 وکلاء نے حصہ لیا، جن میں سے 139 وکلاء انگریزی میں ناکام ہوگئے۔
