آزادجموں وکشمیر فوڈ اتھارٹی کی غیر معیاری اشیاء خوردونوش کے خلاف کارروائی۔ جہلم ویلی جانے والے ٹرک سے بوس Boss کمپنی کے غیر معیاری پاپڑز کی بھاری تعداد ہیٹاں بالا میں ضبط کرلی۔ تفصیلات کے مطابق سپریم کورٹ کی ہدایت پر فوڈ اتھارٹی کی ٹیم نے دارالحکومت مظفرآباد سے جہلم ویلی آنے جانے والے مزدا ٹرک LXC5575 سےدوران پڑتال غیر معیاری مضر صحت پاپڑز کی بھاری کھیپ ضبط کر لی اور تحت ضابطہ کاروائی شروع کردی ہے۔اس موقع پر ڈسٹرکٹ فوڈ کنٹرولرمظفرآبادابرار احمد میر کا کہنا تھا کہ ملاوٹ سے پاک اشیاء خوردونوش کی فراہمی یقینی بنانے کے لیے کوشاں ہیں۔غیرمعیاری اشیاء خوردونوش کی فروخت کرنے والے انسانیت کے دشمن ہیں۔ایسے افراد کسی رعایت کے مستحق نہیں۔رمضان المبارک میں عوام کو معیاری اشیاء کی فراہمی کے لئے خصوصی ٹیمیں تشکیل دی گئیں ہیں۔جدید لیب کے زریعے کارروائی کی جارہی ہے۔
0
