ڈیلی پرل ویو.آزاد جموں و کشمیر کی قانون ساز اسمبلی نے نوجوان گریجویٹس کے لیے ایک قابلِ قدر اقدام کا اعلان کرتے ہوئے “پارلیمانی انٹرن شپ پروگرام” کا آغاز کر دیا ہے، جس کا مقصد نوجوانوں کو جمہوری اقدار سے روشناس کروانا اور پارلیمانی معاملات کی عملی تربیت دینا ہے۔
6 ماہ پر مشتمل پروگرام — 53 نشستیں، 40,000 روپے ماہانہ وظیفہ
اسمبلی سیکرٹریٹ کے مطابق، پروگرام میں 6 ماہ کی مدت کے لیے 53 انٹرن شپ پوزیشنز فراہم کی جا رہی ہیں۔ منتخب امیدواروں کو ہر ماہ 40,000 روپے وظیفہ دیا جائے گا۔ یہ انٹرن شپ مکمل طور پر مظفرآباد میں ہوگی۔
واک ان انٹرویوز کی تاریخیں: 12 اور 13 اگست 2025، صبح 10:00 بجے
انٹرویوز کے لیے مقام اسٹیٹ گیسٹ ہاؤس (ایم ایل اے ہاسٹل)، نیو وزیراعظم ہاؤس کے قریب، جلال آباد، مظفرآباد مقرر کیا گیا ہے۔
اہلیت کے معیار:
کم از کم 14 سالہ تعلیم (ایچ ای سی سے منظور شدہ یونیورسٹی سے)
کم از کم 60 فیصد نمبر یا 2.5 CGPA
بی ایس پروگرام کے 8ویں سمسٹر میں زیر تعلیم طلبہ بھی اہل
عمر کی بالائی حد: 30 سال
صرف آزاد کشمیر کے پہلے درجے کے ریاستی باشندے اور مقبوضہ جموں و کشمیر سے تعلق رکھنے والے مہاجرین درخواست دے سکتے ہیں
وہ امیدوار جو پہلے یہ انٹرن شپ مکمل کر چکے ہوں، دوبارہ درخواست کے اہل نہیں
انتخاب کا عمل اور دستاویزات:
امیدواروں کا انتخاب مکمل طور پر میرٹ کی بنیاد پر کیا جائے گا۔
امیدواروں کو ہدایت کی گئی ہے کہ وہ انٹرویو کے وقت درج ذیل دستاویزات ہمراہ لائیں:
مکمل طور پر پُر کیا گیا درخواست فارم
سی وی (Curriculum Vitae)
تصدیق شدہ تعلیمی اسناد کی نقول
اصل تعلیمی دستاویزات
نوٹ: کسی بھی امیدوار کو ٹی اے/ڈی اے فراہم نہیں کیا جائے گا۔ ادارہ بغیر کسی پیشگی اطلاع کے انٹرن شپ ختم کرنے کا اختیار رکھتا ہے۔
