ڈیلی پرل ویو.سینئر ممبر بورڈ آف ریونیو سردار ظفرخان کی زیر صدارت ضلعی انتظامیہ کا اہم اجلاس منعقد ہوا۔ اجلاس میں مون سون کے دوران مجموعی طور پر ہونے والے نقصانات بالخصوص کلاوڈ برسٹ کے نتیجے میں جاگراں اور رتی گلی میں ہونے والے نقصانات، بحالی کے اقدامات، سیاحت کے فروغ اور جنگلات کے کٹاو کی روک تھام کیلئے ممکنہ اقدامات کا جائزہ لیا گیا۔ ڈپٹی کمشنر ندیم جنجوعہ نے کلاوڈ برسٹ کے نتیجے میں جاگراں اور رتی گلی نالہ میں ہونے والے نقصانات، حکومتی سطح پر اٹھائے گئے اقدامات اور آفات سماوی سمیت جملہ انتظامی امور پر بریفنگ دی۔ اس موقع پرسینئر ممبر بورڈ آف ریونیو سردار ظفر خان نے محکمہ جات کی کارگزاری، مسائل پر تفصیلی بریفنگ لی اور درپیش مسائل کو حکومتی سطح پر حل کرانے کی یقین دہانی کرائی۔ سینئر ممبر بورڈ آف ریونیو نے نیلم میں سیاحت کے فروغ اور جنگلات کے کٹاو کیخلاف حفاظتی انتظامات پر بھی بریفنگ لی،اس موقع پر سینئر ممبر بورڈ آف ریونیو سردار ظفر خان نے کہا کہ انتظامی آفیسران خدمت خلق کو اپنا شعار بنائیں اوردیانت داری سے اپنا فرض ادا کریں۔ نیلم میں سیاحت اور ہائیڈل کا بے پناہ پوٹینشل موجود ہے حامل علاقہ ہے ہمیں اسکے قدرتی حسن کو برقرار رکھنے کیلئے بے ہنگم تعمرات کی حوصلہ شکنی کرنی ہو گی۔ نیلم میں گزشتہ ب4سوں کے دوران بے پناہ کلاوڈ برسٹ کے واقعات رونما ہو رہے ہیں، ہمیں وجوہات کا پتہ لگا کر کلاوڈ برسٹ کی روک تھام کیلئے ماحول دوست اقدامات کیلئے پیش بندی کرنے کی ضرورت ہے، شدید سردی سے اور آتشزدگی جیسے واقعات سے نمٹنے کیلئے عوامی آگاہی مہم چلانے کی ضرورت ہے، انھوں نے متاثرین کو ان کے معاوضہ جات کی فوری ادائیگی کی ہدایت کی۔ شہریوں کی آسانی کیلیے ڈومیسائل و دیگر دستاویزات کے حصول کیلئے سرکاری فیس نمایاں جگہ آویزاں کرنے کی ہدایت کی۔ شہریوں کے ساتھ کسی قسم کی زیادتی برداشت نہیں کی جاۓ گی، اجلاس میں ایس پی نیلم خواجہ صدیق ،اسسٹنٹ کمشنر آٹھمقام چوہدری بشارت، اسسٹنٹ کمشنر شاردہ راجہ بلال حسین، تحصیلدار آٹھمقام محمد بلال و دیگر نے شرکت کی۔
0
