آزاد کشمیر کے وزیرِ اطلاعات پیر محمد مظہر سعید شاہ گلوبل فریڈم فلوٹیلا کے قافلے پر اسرائیلی حملے سے محفوظ رہنے کے بعد وطن واپس پہنچ گئے۔ ان کی واپسی پر اسلام آباد ایئرپورٹ پر بڑی تعداد میں عوام، سیاسی کارکنان، اور ان کے چاہنے والوں نے پرتپاک استقبال کیا۔صمود فریڈم فلوٹیلا انسانی ہمدردی کے تحت محصور فلسطینیوں کے لیے امدادی سامان لے جا رہا تھا کہ دورانِ سفر اسرائیل کی جانب سے اس پر حملہ کیا گیا۔ اس واقعے میں متعدد افراد کو اسرائیلی فورسز نے گرفتار کر لیا تاہم خوش قسمتی سے پیر محمد مظہر سعید شاہ محفوظ رہے۔اسلام آباد ایئرپورٹ پر پہنچنے پر لوگوں نے ان پر پھول نچھاور کیے اور فلسطین سے اظہارِ یکجہتی کے نعرے لگائے۔ سوشل میڈیا پر بھی پیر مظہر سعید شاہ کے حق میں ہزاروں پیغامات اور پوسٹس سامنے آئی ہیں، جن میں عوام نے ان کی جرات اور انسانیت کے لیے خدمات کو سراہا ہے۔ پیر محمد مظہر سعید شاہ نے میڈیا سے گفتگو کرتے ہوئے کہا کہ یہ مشن انسانیت کے لیے تھا، اور ہم اپنے فلسطینی بھائیوں کی آواز بن کر رہیں گے۔ کسی ظلم کے آگے جھکنے والے نہیں۔انہوں نے کہا کہ ہمارا مشن انسانیت، حریت اور امن کے پیغام کا علمبردار ہے۔ ہم نے دنیا کو یہ دکھایا کہ ظلم کے مقابلے میں انسانیت کبھی سر نہیں جھکاتی۔انہوں نے عوام سے پُرزور اپیل کی کہ گلوبل صمود فلوٹیلا سے گرفتار کیے گئے انسانی حقوق کے کارکنان کے حق میں آواز بلند کریں۔ انہوں نے کہا کہ اہلِ فلسطین آج بھی دنیا اور خصوصاً امتِ مسلمہ کی طرف امید بھری نظروں سے دیکھ رہے ہیں۔
دریں اثناء پیر محمد مظہر سعید شاہ کو اسلام آباد ایئرپورٹ کے بعدکراچی پہنچنے پربھی ہزاروں چاہنے والوں نے خوش آمدیدکیا۔ شرکاء استقبال نے عالمی قافلہ استقامت گلوبل صمود فلوٹیلاکی فلسطین کے مظلوم مسلمانوں کیلئے کی گئی کاوش کوسراہاتے ہوئے اسرائیل کی جارحیت پر شدید الفاظ میں مذمت کی۔ وزیر اطلاعات آزادکشمیر مولانا پیر محمد مظہر سعید شاہ نے 44ممالک پر مشتمل عالمی قافلہ استقامت گلوبل صمود فلوٹیلاکے شرکاء باالخصوص پاکستانی وکشمیری قوم کا شکریہ اداکیاجنہوں نے فلسطین کے مظلوموں کی حمایت اور عالمی قافلہ استقامت گلوبل صمود فلوٹیلاکی کامیابی کیلئے دعائیں کیں۔وزیر اطلاعات مولا ناپیر محمد مظہر سعید شاہ اپنے 4 ساتھیوں عزیر نظامی ودیگر کے ہمراہ جب اسلام آباد ایئرپورٹ پر پہنچے تو پاکستان وآزادکشمیر کے جید علماء اکرام مولانا شبیر کشمیر ی، قاضی محمود الحسن اشرف، مولانا صلاح الدین خلیل، عتیق ا لرحمن محمدی سمیت ہزاروں افراد نے بھرپور استقبال کرتے ہوئے ”عالمی قافلہ استقامت گلوبل صمود فلوٹیلا“کے شرکاء کی کاوشوں کوسراہاتے ہوئے خراج تحسین پیش کیاہے۔ ایئرپور ٹ اسلام آباد استقبال کے بعد خالد بن ولیدمدرسہ میں جلسہ منعقد ہوا جس میں مقررین نے ”عالمی قافلہ استقامت گلوبل صمود فلوٹیلا“کے شرکاء باالخصوص سابق سینٹرز مشتاق احمد اور آزادکشمیر کے وزیر اطلاعات مولانا پیر محمد مظہرسعید شاہ سمیت 44 ممالک کے شرکاء کاشکریہ اداکرتے ہوئے فلسطین کے مسلمانوں کے لیے ا من کے قیام کے لیے ”عالمی قافلہ استقامت گلوبل صمود فلوٹیلا“کوسراہاہے۔ اسلام آباد ایئرپورٹ استقبال اور جلسہ کے بعد وزیر اطلاعات کاکراچی ایئرپورٹ پر شاندار استقبال کیاگیاعلماء کرام اور شہریوں نے کراچی ایئرپورٹ سے گلشن اقبال تک ریلی کی صورت میں پیر مظہر سعید شاہ کو لایا گیا پیر محمد مظہر سعید شاہ نے کہا کہ مشکل سفر کے بعد وطن واپسی گلوبل صمود فلوٹیلا کے اراکین کا عزم، غزہ کی حمایت جاری رہے گی۔جلد ان شاءاللہ ہمارے بھائی سابق سینیٹر مشتاق احمد خان بھی ہمارے درمیان ہوں گے ۔
***
0
