لاہور(ڈیلی پرل ویو)گزشتہ ہفتے کے دوران ملک میں سیمنٹ کی ریٹیل قیمتوں میں کمی ریکارڈ کی گئی ہے ۔پاکستان بیورو برائے شماریات کے اعدادوشمار کے مطابق یکم جنوری کو ختم ہونے والے ہفتے میں ملک کے شمالی شہروں میں سیمنٹ کی فی بوری کی اوسط ریٹیل قیمت 1387 روپے ریکارڈ کی گئی جو پیوستہ ہفتے کے مقابلے میں 0.27 فیصد کم ہے۔ پیوستہ ہفتے میں ملک کے شمالی شہروں میں سیمنٹ کی فی بوری کی اوسط ریٹل قیمت 1391 روپے ریکارڈ کی گئی تھی۔
اسی طرح یکم جنوری کو ختم ہونے والے ہفتے میں ملک کے جنوبی شہروں میں سیمنٹ کی فی بوری کی اوسط ریٹیل قیمت 1446 روپے ریکارڈ کی گئی جو پیوستہ ہفتے میں بھی 1446 روپے تھی۔اعدادوشمار کے مطابق گزشتہ ہفتے کے دوران اسلام آباد میں سیمنٹ کی فی بوری کی اوسط ریٹل قیمت 1367 روپے ، راولپنڈی 1361، گجرانوالہ 1420، سیالکوٹ 1400، لاہور 1457، فیصل آباد 1380، سرگودھا 1400، ملتان 1411، بہاولپور 1413، پشاور 1353 اور بنوں میں سیمنٹ کی فی بوری کی اوسط ریٹل قیمت 1300 روپے ریکارڈ کی گئی۔اسی طرح یکم جنوری کو ختم ہونے والے ہفتے میں کراچی میں سیمنٹ کی فی بوری کی اوسط ریٹل قیمت 1379، حیدر آباد 1428، سکھر 1530، لاڑکانہ 1407، کوئٹہ 1490 اور خضدار میں سیمنٹ کی فی بوری کی اوسط ریٹل قیمت 1443 روپے ریکارڈ کی گئی۔
