ریاض (ڈیلی پرل ویو) پاکستان اور افغانستان کے درمیان فوری جنگ بندی کے معاہدے پر سعودی وزارت خارجہ کی جانب سے فیصلے کا خیر مقدم کیا گیا ہے جس میں کہا گیا ہے کہ سعودی عرب دونوں ممالک کے درمیان پائیدار امن اور علاقائی سلامتی کا خواہاں ہے۔
سعودی وزارت خارجہ کی جانب سے جاری بیان میں قطر اور ترکیہ کی ثالثی میں پاکستان اور افغانستان کے درمیان فوری جنگ بندی معاہدے کا خیر مقدم کیا گیا ہے اور کہا گیا ہے کہ سعودی عرب دونوں برادر اسلامی ممالک کے درمیان باہمی تعلقات کے فروغ کے علاوہ امن، سلامتی اور عوامی جان و مال کے تحفظ کا خواہاں ہے اور خواہش ہے کہ دونوں ممالک تمام تنازعات کو بہتر انداز سے حل کریں تاکہ حالات کشیدہ نا ہوں سعودی وزارت خارجہ نے قطر اور ترکیہ کے تعمیری اور عملی کردار کو سراہا ہے جس کی بدولت فوری جنگ بندی کا معاہدہ طے پایا ہے۔
