سری نگر (ڈیلی پرل ویو ) جموں و کشمیر نیشنل کانفرنس (JKNC) کے صدر فاروق عبد اللہ نے پاکستان اور بھارت کو ’’مشورہ ‘‘ دیدیا ۔
فاروق عبداللہ نے کہا ہے کہ آپریشن سندور سے کچھ نہیں نکلا، بھارت اور پاکستان تعلقات بہتر کریں۔ دہلی دھماکے کے بعد کشمیریوں کے ساتھ ناروا سلوک بند کیا جائے، پولیس اسٹیشن دھماکے کی مکمل تحقیقات کی جائیں۔
’’ جنگ ‘‘ نے غیرملکی میڈیا کے حوالے سے بتایا کہ فاروق عبداللہ کا کہنا تھا کہ بھارت اور پاکستان کو تعلقات بہتر بنانے کی کوشش کرنی چاہیے’’آپریشن سندور‘‘ جیسے اقدامات سے کوئی فائدہ نہیں ہوا۔
